“Do të kujtohet gjithmonë përmes veprës së çmuar që la pas”, zyrtarët e lartë të Kosovës letra ngushëllimi familjes së aktorit Rikard Ljarja

Ministrja e Kulturës e Kosovës Vlora Dumoshi dhe ambasadori i Kosovës në Shqipëri Nait Hasani i janë drejtuar me një letër ngushëllimi familjes Ljarja, pas ndarjes nga jeta të aktorit dhe regjisorit të madh Rikard Ljarja pak ditë më parë.

“Rikardi ishte aktori, regjisori dhe skenaristi që me talentin, fisnikërinë dhe hijeshinë e tij ndriçoi skenën dhe ekranin shqiptar, për të lënë aty, gjurmët e pashlyera të roleve unike të realizuara mjeshtërisht prej Tij. Ai ishte magneti që na mbante mbërthyer sa herë shfaqej në ekran me gjithë potencën artistike dhe peshën e fjalës që e bënte atë krejt të veçantë e të papërsëritshëm në kinematografinë shqiptare”, thuhet në letrën e ambasadës së Kosovës në Tiranë”.

Ndërsa vdekja e tij përkoi me një moment të vështirë për vendin, për shkak të krizës nga koronavirusi, ambasadori kosovar thekson:

“Ndonëse aktori u përcoll për në vendlindje në ditë shumë të vështirë, “ndonëse jo fizikisht, me shpirt e me zemër qindra e mijëra shqiptarë që e admiruan për vite me radhe Rikardin kanë qenë me Ju”.

Aktori i njohur njihej për debulesën që kishte për shtetin e Kosovës dhe ëndërronte gjithnjë Pavarësinë e saj.

Lidhjet e tij me artistët në Kosovë ishin të forta, pa specifikuar asnjë, pasi asnjë nuk mund të harrohet të përmendet.

Në letrën e ngushëllimit, ambasadorja e Kulturës në Kosovës shkruan se Rikardi e ka ngritur kulturën shqiptare në një nivel tjetër me angazhimin e tij.

“Vdekja e tij ishte humbje e madhe për artin shqiptar, por korpusi i vlerave filmike që do la pas vetes, janë një pasuri e çmuar artistike që ka vulën e kulturës shqiptare dhe bën që emri i tij të mos harrohet kurrë. Fizikisht ai nuk do të jetë më i pranishëm me ne por do të kujtohet gjithmonë përmes veprës shumë të çmuar dhe me vlerë që la pas”.

Shiko tv shqip

Related Posts