Edi Rama tregon nëse do të ketë pako të tretë ekonomike për të ndihmuar bizneset dhe qytetarët

Kryeministri Rama i është përgjigjur një qytetari në rrjetet sociale, i cili e ka pyetur nëse do të ketë një paketë të tretë ekonomike për të ndihmuar bizneset. Rama u shpreh se nuk do të ketë një paketë ekonomike, pasi për momentin nuk ka mundësi të krijohet diçka e tillë.

“I dashur së pari njëherë kurajë dhe faleminderit për fjalët e mira. Kemi bërë më të mirën që kemi mundur jo më të mirën që do donim të bënim. E dimë që ka dhe më mirë. Ju lutem te gjithë që duhet të kuptojmë jo vetëm pasojat e mbylljes nga COVID-19 por dhe pasojat nga tërmeti që ishte goditje për ekonominë dhe financat e vendit tonë. Po arrijmë t’i përballojmë deri tani me dinjitet dhe do të kthejmë në shtëpi çdo familje që ka humbur strehën më 26 nëntor ashtu sikundër do kthejmë në shkolla nxënësit dhe mësuesit.

Për momentin nuk kemi parashikuar një paketë të tretë, nëse nuk do duhet të mbyllemi sërish. Ki besim që gjërat do të shkojnë mirë dhe më e mira është para nesh”, tha Rama.

Shiko tv shqip

Related Posts