Para 30 vitesh, zbulohet se në shtëpinë e cilit politikan Adem Jashari e priti Vitin e Ri

Elmi Zeka, njeriu që e strehoi familjen Jashari pas rrethimit të parë para 30 vitesh ka treguar se si familja Jashari e ka pritur Vitin e Ri, në shtëpinë e Jakup Krasniqit në Negroc.

Ai ka rrëfyer në T7 se Adem Jashari me familje kanë qëndruar në shtëpinë e Jakup Krasniqit deri në orën 02:00 të natës dhe më pas janë strehuar në shtëpinë e Shaban Shalës.

“Kemi shkuar te Jakupi dhe atë natë ka qenë nata e ndërrimit të moteve. Ka pasur atje shumë persona dhe diku ka ora 2 e natës kemi shkuar tek Shaban Shala, pastaj nja tre dite kanë qëndruar në Siqevë dhe janë kthyer sërish tek Shaban Shala për dy javë e gjithë familja”, ka thënë ai.

Më tutje Zeka ka treguar edhe për një moment kur ka shkuar në Prekaz dhe ka parë se forcat serbe nuk i kishin marrë disa armë dhe para në familjen Jashari.

“Unë kam udhëtuar për në Prekaz njëherë në tri ditë për me e shiku situatën. Për shembull ka qenë rasti kur kam shkuar me e marr pasaportën e bacës Rifat.

E kemi kuptuar që gjatë bastisjes së familjes Jashari, nga paniku që e kanë pasur forcat serbe, nuk kanë arritur që të gjejnë një pushkë, një revole dhe disa mijëra marka. Familja Jashari ka qenë atë kohë njëra nga familjet më të pasura në regjionin e Drenicës”.

Shiko tv shqip

Related Posts